ಸ್ನೇಹ, ಮೋಜು, ಯುವಜನರ ಬದುಕಿನ ಸುತ್ತ ಸಾಗುವ ಮನರಂಜನಾತ್ಮಕ ಕಥೆ ‘ಮೆಲ್ಕೋ ಪುದುಚೇರಿ’
ಕೊಚ್ಚಿ: ಮಲಯಾಳಂ ನಟ ಅರ್ಜುನ್ ಅಶೋಕನ್ ಅಭಿನಯದ ‘ಮೆಲ್ಕೋ ಪುದುಚೇರಿ’ ಸಿನಿಮಾ ನವೆಂಬರ್ 13ರಂದು ತೆರೆಗೆ ಬರಲಿದೆ. ಚಿತ್ರದ ಬಿಡುಗಡೆ ದಿನಾಂಕವನ್ನು ನಿರ್ಮಾಪಕ ಅರುಣ್ ಗೋಪಿ ಪ್ರಕಟಿಸಿದ್ದಾರೆ.
ನಿಖಿಲ್ ಮೋಹನ್ ನಿರ್ದೇಶನದ ಈ ಚಿತ್ರ ಸ್ನೇಹ, ಮೋಜು ಮತ್ತು ಯುವಜನರ ಬದುಕಿನ ಸುತ್ತ ಸಾಗುವ ಮನರಂಜನಾತ್ಮಕ ಕಥೆ ಹೊಂದಿದೆ. ಚಿತ್ರದ ಸಂಕಲನ ಪೂರ್ಣಗೊಂಡಿದ್ದು, ಸೆಪ್ಟೆಂಬರ್‌ನಲ್ಲೇ ರೀಲ್ಸ್ ಲಾಕ್ ಮಾಡಲಾಗಿದೆ ಎಂದು ಸಂಕಲನಕಾರ ಸಾಗರ್ ದಾಸ್ ತಿಳಿಸಿದ್ದಾರೆ.
ಬಾಲು ವರ್ಗೀಸ್, ಅಲ್ತಾಫ್ ಸಲೀಂ, ಶರತ್ ಸಭಾ, ಸನೂಪ್, ಶ್ರೀಲಕ್ಷ್ಮಿ ವಿಜಯನ್, ಅನ್ನಾ ಸುಸನ್ ರಾಯ್ ಹಾಗೂ ಮೊಟ್ಟೈ ರಾಜೇಂದ್ರನ್ ತಾರಾಗಣದಲ್ಲಿದ್ದಾರೆ.
ಸನೂಪ್ ತೈಕ್ಕೂಡಂ ಚಿತ್ರಕಥೆ ಮತ್ತು ಸಂಭಾಷಣೆ ಬರೆದಿದ್ದು, ಸನೀಶ್ ಸ್ಟ್ಯಾನ್ಲಿ ಛಾಯಾಗ್ರಹಣ, ಎಲೆಕ್ಟ್ರಾನಿಕ್ ಕಿಲಿ ಸಂಗೀತ ಸಂಯೋಜನೆ ಹಾಗೂ ಸಾಗರ್ ದಾಸ್ ಸಂಕಲನ ಚಿತ್ರಕ್ಕಿದೆ. ಅರುಣ್ ಗೋಪಿ ಎಕ್ಸೈಟ್‌ಮೆಂಟ್ಸ್ ಮತ್ತು ಜಸ್ಟಿನ್ ಆ್ಯಂಡ್ ಮ್ಯಾಥ್ಯೂ ಎಂಟರ್‌ಟೈನ್‌ಮೆಂಟ್ಸ್ ಬ್ಯಾನರ್‌ಗಳಲ್ಲಿ ಸಿನಿಮಾ ನಿರ್ಮಾಣವಾಗಿದೆ.
