ಯುವ ಮನಸ್ಸುಗಳ ಪ್ರೀತಿ, ಸ್ನೇಹ ಮತ್ತು ಬದುಕಿನ ಏರಿಳಿತಗಳ ಕಥೆ ‘ಡೋಂಟ್ ಬಿ ಶೈ’
ಮುಂಬೈ: ಆರೋಷಿ ಬಜಾಜ್, ಪಿಯೂಷ್ ಖಾಟಿ, ಬಿಯಾಂಕಾ ಅರೋರಾ ಹಾಗೂ ಅಂಶ್ ದುಗ್ಗಲ್ ಅಭಿನಯದ ಯುವಜನರನ್ನು ಕೇಂದ್ರವಾಗಿಟ್ಟುಕೊಂಡ ರೊಮ್ಯಾಂಟಿಕ್-ಕಾಮಿಡಿ ಸಿನಿಮಾ ‘ಡೋಂಟ್ ಬಿ ಶೈ’ ಚಿತ್ರದ ಟ್ರೈಲರ್ ಶುಕ್ರವಾರ ಬಿಡುಗಡೆಯಾಗಿದೆ.
ಸ್ನೇಹ, ಮೊದಲ ಪ್ರೀತಿ, ಪ್ರೇಮಭಂಗ, ತಪ್ಪು ನಿರ್ಧಾರಗಳು ಹಾಗೂ ಜೀವನವನ್ನು ಅರ್ಥಮಾಡಿಕೊಳ್ಳುವ ಯುವಕರ ಪ್ರಯಾಣವನ್ನು ಸಿನಿಮಾ ಕಟ್ಟಿಕೊಡಲಿದೆ. ಟ್ರೈಲರ್ನಲ್ಲಿ ಸ್ವತಂತ್ರ ಮನೋಭಾವದ ಶ್ಯಾಮಿಲಿ ‘ಶೈ’ ದಾಸ್ ಪಾತ್ರದಲ್ಲಿ ಆರೋಷಿ ಬಜಾಜ್ ಕಾಣಿಸಿಕೊಂಡಿದ್ದಾರೆ. ತನ್ನ ಲಾಭಕ್ಕಾಗಿ ಇತರರನ್ನು ಬಳಸಿಕೊಳ್ಳುವ ಶೈ ಕೊನೆಗೆ ಸಿಕ್ಕಿಬೀಳುತ್ತಾಳೆ. ಬಳಿಕ ಆಕೆಯ ಜೀವನ ಅನಿರೀಕ್ಷಿತ ತಿರುವುಗಳನ್ನು ಪಡೆಯುತ್ತದೆ.
ಸಾಂಪ್ರದಾಯಿಕ ಪ್ರೇಮ ತ್ರಿಕೋನದ ಕಥೆಗಿಂತ ವಿಭಿನ್ನವಾಗಿ ಹಲವು ಸಂಬಂಧಗಳು ಮತ್ತು ಅವುಗಳಿಂದ ಉಂಟಾಗುವ ಭಾವನಾತ್ಮಕ ಏರಿಳಿತಗಳನ್ನು ಚಿತ್ರ ಒಳಗೊಂಡಿದೆ.
ಶ್ರೀತಿ ಮುಖರ್ಜಿ ಬರೆದು ನಿರ್ದೇಶಿಸಿರುವ ಚಿತ್ರದಲ್ಲಿ ಕುನಾಲ್ ರಾಯ್ ಕಪೂರ್, ಅನುರಾಗ್ ಬಸು, ನೇಹಾ ಧೂಪಿಯಾ ಹಾಗೂ ಅಂಜು ಆಲ್ವಾ ನಾಯಕ್ ಕೂಡ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ಆರೋಷಿ, ಪಿಯೂಷ್, ಬಿಯಾಂಕಾ ಮತ್ತು ಅಂಶ್ ಸೇರಿದಂತೆ ನಾಲ್ವರು ಹೊಸ ಪ್ರತಿಭೆಗಳಿಗೆ ಚಿತ್ರದಲ್ಲಿ ಪ್ರಮುಖ ಅವಕಾಶ ದೊರೆತಿದೆ. ಅಂಶ್ ದುಗ್ಗಲ್ ಅವರಿಗೆ ಇದು ಮೊದಲ ಸಿನಿಮಾ.
ಆಲಿಯಾ ಭಟ್ ಮತ್ತು ಶಾಹೀನ್ ಭಟ್ ನಿರ್ಮಿಸಿರುವ ‘ಡೋಂಟ್ ಬಿ ಶೈ’ ಸೆಪ್ಟೆಂಬರ್ 25, 2026ರಂದು ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾಗಲಿದೆ.
