DC ವಿರುದ್ಧ RCB ಭರ್ಜರಿ ಗೆಲುವು: 75ಕ್ಕೆ ಆಲೌಟ್ ಡೆಲ್ಲಿ, 6.3 ಓವರ್ನಲ್ಲಿ ತಲುಪಿದ ಗುರಿ
ದೆಹಲಿ: ಐಪಿಎಲ್ 2026ರ 39ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (Royal Challengers Bengaluru) ತಂಡ ಡೆಲ್ಲಿ ಕ್ಯಾಪಿಟಲ್ಸ್ (Delhi Capitals) ವಿರುದ್ಧ ಭರ್ಜರಿ ಗೆಲುವು ಸಾಧಿಸಿದೆ. ದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣ (Arun Jaitley Stadium)ದಲ್ಲಿ ನಡೆದ ಪಂದ್ಯದಲ್ಲಿ ಆರ್ಸಿಬಿ ಕೇವಲ 6.3 ಓವರ್ಗಳಲ್ಲಿ ಗುರಿ ತಲುಪಿತು.
ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ತಂಡ ಆರ್ಸಿಬಿ ವೇಗಿಗಳ ದಾಳಿಗೆ ತತ್ತರಿಸಿ 16.3 ಓವರ್ಗಳಲ್ಲಿ ಕೇವಲ 75 ರನ್ಗಳಿಗೆ ಆಲೌಟ್ ಆಯಿತು. ಪವರ್ಪ್ಲೇನಲ್ಲೇ 13 ರನ್ಗಳಿಗೆ 6 ವಿಕೆಟ್ ಕಳೆದುಕೊಂಡ ಡೆಲ್ಲಿ, ಐಪಿಎಲ್ ಇತಿಹಾಸದಲ್ಲೇ ನಾಚಿಕೆಗೇಡಿನ ದಾಖಲೆ ಬರೆದಿತು.
ಬೌಲಿಂಗ್ನಲ್ಲಿ ಭುವನೇಶ್ವರ್ ಕುಮಾರ್ (Bhuvneshwar Kumar) ಮತ್ತು ಜೋಶ್ ಹೇಜಲ್ವುಡ್ (Josh Hazlewood) ಮಿಂಚಿದರು. ವಿಶೇಷವಾಗಿ ಹೇಜಲ್ವುಡ್ ಒಂದೇ ಓವರ್ನಲ್ಲಿ ಕೆಎಲ್ ರಾಹುಲ್ (KL Rahul) ಮತ್ತು ಸಮೀರ್ ರಿಜ್ವಿ (Sameer Rizvi) ವಿಕೆಟ್ ಕಬಳಿಸಿ ಡೆಲ್ಲಿಗೆ ಭಾರೀ ಆಘಾತ ನೀಡಿದರು.
ಚಿಕ್ಕ ಗುರಿ ಬೆನ್ನತ್ತಿದ ಆರ್ಸಿಬಿಗೆ ವಿರಾಟ್ ಕೊಹ್ಲಿ (Virat Kohli) ಮತ್ತು ದೇವದತ್ ಪಡಿಕ್ಕಲ್ (Devdutt Padikkal) ಸುಲಭವಾಗಿ ಗೆಲುವು ತಂದುಕೊಟ್ಟರು. ಕೊಹ್ಲಿ 23* ರನ್, ಪಡಿಕ್ಕಲ್ 34* ರನ್ ಗಳಿಸಿ ಅಜೇಯರಾಗಿ ಉಳಿದರು.
ಇದೇ ಮೈದಾನದಲ್ಲಿ ಕೆಲವೇ ದಿನಗಳ ಹಿಂದೆ 264 ರನ್ಗಳ ಭಾರೀ ಮೊತ್ತ ಕಲೆಹಾಕಿದ್ದ ಡೆಲ್ಲಿ ತಂಡ, ಈ ಬಾರಿ ಕೇವಲ 75ಕ್ಕೆ ಕುಸಿದು ಭಾರೀ ಹಿನ್ನಡೆ ಅನುಭವಿಸಿತು.
ಆರ್ಸಿಬಿ ಬೌಲಿಂಗ್ ದಾಳಿಗೆ ಡೆಲ್ಲಿ ಸಂಪೂರ್ಣ ಮಣಿದಿದ್ದು, ಈ ಗೆಲುವಿನೊಂದಿಗೆ ಬೆಂಗಳೂರು ತಂಡ ಟೂರ್ನಿಯಲ್ಲಿ ಮತ್ತೊಂದು ಮಹತ್ವದ ಜಯ ದಾಖಲಿಸಿದೆ.
