2029ರ ವೇಳೆಗೆ €20 ಬಿಲಿಯನ್ ವ್ಯಾಪಾರ ಗುರಿಗೆ ಭಾರತ-ಇಟಲಿ ಒತ್ತು

0
Agreement-MOU-Co-operation

ರೋಮ್: 2029ರ ವೇಳೆಗೆ ದ್ವಿಪಕ್ಷೀಯ ವ್ಯಾಪಾರವನ್ನು €20 ಬಿಲಿಯನ್‌ಗೆ ಹೆಚ್ಚಿಸುವ ಗುರಿಯನ್ನು ಭಾರತ ಮತ್ತು ಇಟಲಿ ಪುನರುಚ್ಚರಿಸಿವೆ. ನವೆಂಬರ್ 18ರಂದು ರೋಮ್‌ನಲ್ಲಿ ನಡೆದ 23ನೇ ಭಾರತ-ಇಟಲಿ ಜಂಟಿ ಆರ್ಥಿಕ ಸಹಕಾರ ಆಯೋಗದ ಸಭೆಯಲ್ಲಿ ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪಿಯೂಷ್ ಗೋಯಲ್ ಹಾಗೂ ಇಟಲಿಯ ಉಪ ಪ್ರಧಾನಿ ಮತ್ತು ವಿದೇಶಾಂಗ ಸಚಿವ ಆಂಟೋನಿಯೊ ತಜಾನಿ ಸಹ-ಅಧ್ಯಕ್ಷತೆ ವಹಿಸಿದ್ದರು.

ಸಭೆಯಲ್ಲಿ ವ್ಯಾಪಾರ, ಹೂಡಿಕೆ ಮತ್ತು ಕೈಗಾರಿಕಾ ಸಹಕಾರ ವಿಸ್ತರಣೆ ಕುರಿತು ಚರ್ಚಿಸಲಾಯಿತು. ಆಟೋಮೋಟಿವ್, ಏರೋಸ್ಪೇಸ್, ಉತ್ಪಾದನೆ, ಕೃಷಿ, ಇಂಧನ, ನಿರ್ಣಾಯಕ ಖನಿಜಗಳು, ವಿಜ್ಞಾನ, ಪ್ರವಾಸೋದ್ಯಮ ಮತ್ತು ಕೌಶಲ್ಯ ಅಭಿವೃದ್ಧಿ ಕ್ಷೇತ್ರಗಳಲ್ಲಿ ಸಹಕಾರ ಹೆಚ್ಚಿಸಲು ಒತ್ತು ನೀಡಲಾಯಿತು.

ಭಾರತ-ಇಯು ಮುಕ್ತ ವ್ಯಾಪಾರ ಒಪ್ಪಂದದ ಮಾತುಕತೆಗಳ ಮುಕ್ತಾಯವನ್ನು ಉಭಯ ಸಚಿವರು ಸ್ವಾಗತಿಸಿದರು. ಇದು ಮಾರುಕಟ್ಟೆ ಪ್ರವೇಶ, ಹೂಡಿಕೆ ಮತ್ತು ಪೂರೈಕೆ ಸರಪಳಿಗಳಿಗೆ ಉತ್ತೇಜನ ನೀಡಲಿದೆ ಎಂದು ಅಭಿಪ್ರಾಯಪಟ್ಟರು.

ಭೇಟಿಯ ವೇಳೆ ಗೋಯಲ್ ಇಟಲಿಯ ಪ್ರಮುಖ ಕಂಪನಿಗಳ ಪ್ರತಿನಿಧಿಗಳೊಂದಿಗೆ ಹೂಡಿಕೆ ಮತ್ತು ತಂತ್ರಜ್ಞಾನ ಪಾಲುದಾರಿಕೆ ಕುರಿತು ಚರ್ಚಿಸಿದರು. ಭಾರತ-ಇಟಲಿ ವ್ಯವಹಾರ ಮತ್ತು ನಾವೀನ್ಯತೆ ವೇದಿಕೆಯಲ್ಲೂ ಪಾಲ್ಗೊಂಡರು. ಔಷಧ, ರಾಸಾಯನಿಕ, ಕೈಗಾರಿಕಾ ಯಂತ್ರೋಪಕರಣ, ಕೃಷಿ-ಆಹಾರ ಮತ್ತು ವಾಹನ ಕ್ಷೇತ್ರಗಳ ಸಹಕಾರಕ್ಕೂ ಸಭೆಗಳಲ್ಲಿ ಒತ್ತು ನೀಡಲಾಯಿತು.

Leave a Reply

Your email address will not be published. Required fields are marked *