ನೆಲಮಂಗಲ ಬಳಿ ಚಿರತೆ ದಾಳಿ; ಮಹಿಳೆ ಬಲಿ
ಬೆಂಗಳೂರು: ರಾಜಧಾನಿ ಸಮೀಪವೇ ಚಿರತೆ ಹಾವಳಿಗೆ ಮಹಿಳೆ ಬಲಿಯಾಗಿದ್ದಾರೆ. ಬೆಂಗಳೂರು ಹೊರವಲಯದ ನೆಲಮಂಗಲದ ಕಂಬಲು, ಗೊಲ್ಲರಹಟ್ಟಿಯಲ್ಲಿ 52 ವರ್ಷದ ಕರಿಯಮ್ಮ ಎಂಬವರು ಚಿರತೆ ದಾಳಿಗೆ ಸಾವನ್ನಪ್ಪಿದ್ದಾರೆ.
ಹುಲ್ಲು ತರಲು ಹೊರಕ್ಕೆ ತೆರಳಿದ್ದಾಗ ಚಿರತೆ ದಾಳಿ ನಡೆಸಿದೆ ಎನ್ನಲಾಗಿದೆ. ಘಟನೆ ನಡೆದ ಸ್ಥಳ ಕಾಡಿಗೆ ಹೊಂದಿಕೊಂಡಿರುವ ಪ್ರದೇಶವಾಗಿದ್ದು, ಅಲ್ಲಿ ಆಗಾಗ್ಗೆ ಚಿರತೆಗಳು ಕಾಣಿಸಿಕೊಂಡಿವೆ ಎಂದು ಸ್ಥಳೀಯರು ತಿಳಿಸಿದ್ದಾರೆ.
