‘ನಾಗಬಂಧಂ’: ಪೌರಾಣಿಕ ಕಥೆಯ ರೋಚಕ ಅನಾವರಣ
ಹೈದರಾಬಾದ್: ನಿರ್ದೇಶಕ ಅಭಿಷೇಕ್ ನಾಮ ಅವರ ಬಹುನಿರೀಕ್ಷಿತ ಪೌರಾಣಿಕ ಆಕ್ಷನ್ ಚಿತ್ರ ‘ನಾಗಬಂಧಂ: ದಿ ಸೀಕ್ರೆಟ್ ಟ್ರೆಷರ್’ ಟ್ರೇಲರ್ ಬಿಡುಗಡೆಯಾಗಿ ಸಿನಿಪ್ರಿಯರ ಗಮನ ಸೆಳೆದಿದೆ.
ಟ್ರೇಲರ್ ತಿರುವನಂತಪುರಂನ ಅನಂತ ಪದ್ಮನಾಭ ಸ್ವಾಮಿ ದೇವಾಲಯದ ಹಿನ್ನೆಲೆಯಿಂದ ಆರಂಭವಾಗುತ್ತದೆ. ಅಮೂಲ್ಯ ದೈವಿಕ ಕಲಾಕೃತಿಯಾದ ಬ್ರಹ್ಮ ಕಮಲವನ್ನು ಕಬಳಿಸಲು ದುಷ್ಟ ಶಕ್ತಿ ನಡೆಸುವ ಪ್ರಯತ್ನ ಹಾಗೂ ಅದನ್ನು ರಕ್ಷಿಸಲು ಶಿವ ಮತ್ತು ನಾಗ ಸಾಧುಗಳು ನಡೆಸುವ ಹೋರಾಟ ಕಥೆಯ ಕೇಂದ್ರಬಿಂದುವಾಗಿದೆ.
ಪುರಾಣ, ಇತಿಹಾಸ, ನಿಗೂಢತೆ ಮತ್ತು ಸಾಹಸವನ್ನು ಒಟ್ಟುಗೂಡಿಸಿರುವ ಚಿತ್ರವು ಭವ್ಯ ದೃಶ್ಯ ವೈಭವದ ಮೂಲಕ ಕುತೂಹಲ ಮೂಡಿಸಿದೆ. ದೇವಾಲಯದ ಪುನರ್ನಿರ್ಮಾಣ, ಅದ್ದೂರಿ ಸೆಟ್ಗಳು ಮತ್ತು ದೃಶ್ಯ ಸಂಯೋಜನೆ ಟ್ರೇಲರ್ನ ಪ್ರಮುಖ ಆಕರ್ಷಣೆಯಾಗಿದೆ.
ಸೌಂದರ್ ರಾಜನ್ ಎಸ್ ಅವರ ಛಾಯಾಗ್ರಹಣ ಮತ್ತು ಜುನೈದ್ ಖಾನ್–ಅಭೆ ಅವರ ಹಿನ್ನೆಲೆ ಸಂಗೀತ ಟ್ರೇಲರ್ಗೆ ಮತ್ತಷ್ಟು ಬಲ ತುಂಬಿವೆ. ಆಕ್ಷನ್ ದೃಶ್ಯಗಳೂ ಗಮನ ಸೆಳೆಯುತ್ತಿವೆ.
ಎನ್ಐಕೆ ಸ್ಟುಡಿಯೋಸ್ನ ಕಿಶೋರ್ ಅನ್ನಾಪುರರೆಡ್ಡಿ ಹಾಗೂ ನಿಶಿತಾ ನಾಗಿರೆಡ್ಡಿ ನಿರ್ಮಿಸಿರುವ ಚಿತ್ರದಲ್ಲಿ ವಿರಾಟ್ ಕರ್ಣ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಟ್ರೇಲರ್ನಲ್ಲಿ ಅವರು ದ್ವಿಪಾತ್ರದಲ್ಲಿ ಕಾಣಿಸಿಕೊಳ್ಳುವ ಸುಳಿವು ಸಿಕ್ಕಿದ್ದು, ಚಿತ್ರದ ಮೇಲಿನ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ.
