ಪ್ರಧಾನಿ ಮೋದಿಯಿಂದ ಕನ್ನಡಿಗರಿಗೆ ಆಪ್ತತೆಯ ಸಂದೇಶ.‌.

ನಾಡಿನೆಲ್ಲಡೆ ಯುಗಾದಿ ಸಂಭ್ರಮ ಗರಿಗೆದರಿದೆ. ಸಾಂಪ್ರದಾಯಿಕ ವರ್ಷಾರಂಭದ ದಿನವಾದ ಇಂದು ಸಂಭ್ರಮದ ಹಬ್ಬವಾಗಿ ಆಚರಿಸಲಾಗುತ್ತಿದೆ.

ಭಾರತೀಯ ಪರಂಪರೆಯಲ್ಲಿ ಯುಗಾದಿಯಂದು ಸಂವತ್ಸರ (ಹೊಸ ವರ್ಷ) ಆರಂಭ. ಹಾಗಾಗಿ ವರ್ಷದ ಮೊದಲ ದಿನವನ್ನು ಸಂಭ್ರಮ ಸಡಗರದಿಂದ ಆಚರಿಸಿ ಆಪ್ತರನ್ನು ಹರಸುವುದು ಈ ನೆಲದ್ದೇ ಆದ ಸಂಪ್ರದಾಯ. ಹಾಗಾಗಿ ಎಲ್ಲೆಲ್ಲೂ ಶುಭಾಶಯಗಳ ವಿನಿಮಯ ಜೋರಾಗಿ ಸಾಗಿದೆ.
ಇದೇ ವೇಳೆ ಪ್ರಧಾನಿ ನರೇಂದ್ರ ಮೋದಿಯವರು ಹಂಚಿಕೊಂಡಿರುವ ಯುಗಾದಿ ಶುಭಾಶಯ ಗಮನಸೆಳೆದಿದೆ. ಕನ್ನಡದಲ್ಲೇ ಶುಭ ಹಾರೈಸಿರುವ ಅವರು, ಕನ್ನಡಿಗರಿಗೆ ಆಪ್ತರಾಗಿ ನಿಂತಂತಿದೆ. ‘ಭರವಸೆ ಮತ್ತು ಹೊಸ ಆರಂಭಗಳನ್ನು ಒಳಗೊಂಡ ಈ ಹಬ್ಬವು, ಮುಂಬರುವ ವರ್ಷದಲ್ಲಿ ಪ್ರತಿಯೊಬ್ಬರ ಜೀವನದಲ್ಲಿ ಅಪಾರ ಸಂತೋಷ ಮತ್ತು ಉತ್ತಮ ಆರೋಗ್ಯವನ್ನು ತರಲಿ’ ಎಂದು ಅವರು ಪ್ರಾರ್ಥಿಸಿದ್ದಾರೆ.