ಮೈಸೂರಿನಲ್ಲಿ ಏಲಿಯನ್ಸ್ ; ಅಂತೆಕಂತೆಗಳ ಸುದ್ದಿ?

ಮೈಸೂರಿನಲ್ಲೀಗ ಏಲಿಯನ್ಸ್ ಗುಮ್ಮ ಆವರಿಸಿಕೊಂಡಿದೆ ಹೈದ್ರಾಬಾದ್, ಬಿಹಾರದಲ್ಲಿ ಸುದ್ದಿ ಎಬ್ಬಿಸಿದ್ದ ಏಲಿಯನ್ಸ್ ಕುರಿತ ವದಂತಿ ರೀತಿಯಲ್ಲೇ ಪಿರಿಯಾಪಟ್ಟಣ ಬಳಿಯ ಹೊಲವೊಂದರಲ್ಲಿ ಕೆಲಸ ಮಾಡುತ್ತಿದ್ದ ಮಹಿಳೆಯರಿಗೆ ವಿಚಿತ್ರ ಜೀವಿಯಿಯೊಂದು ಕಾಣಿಸಿಕೊಂಡ ಅಂತೆಕಂತೆಗಳ ಸುದ್ದಿಹರಿದಾಡುತ್ತಿದೆ.

ಪಿರಿಯಾಪಟ್ಟಣ ಬಳಿಯ ಕಣಗಾಲು ಗ್ರಾಮದ ಜಮೀನಿನೊಂದರಲ್ಲಿ ಕೆಲಸ ಮಾಡುತ್ತಿದ್ದ ಮಹಿಳೆಯರಿಗೆ ಏಲಿಯನ್ಸ್ ಕಾಣಿಸಿಕೊಂಡಿದೆಯಂತೆ. ಗುರುವಾರ ಮಧ್ಯಾಹ್ನ 2 ಗಂಟೆ ಸುಮಾರಿಗೆ ಗದ್ದೆಯಲ್ಲಿ ಕೆಲಸ ಮಾಡುತ್ತಿದ್ದ ವೇಳೆ ಮಗುವಿನ ರೂಪದ ವಿಚಿತ್ರ ಜೀವಿಗಳು ಸುಳಿದಾಡಿದೆಯಂತೆ. ಇವುಗಳನ್ನು ಕಂಡು ಬೆಚ್ಚಿಬಿದ್ದ ತಾವು ಓಡಿ ಹೋಗಿ ಮರದ ಕೆಳಗೆ ಅವಿತುಕೊಂಡಿದ್ದಾಗಿ ಈ ಮಹಿಳೆಯರು ತಮಗೆ ಎದುರಾದ ಆತಂಕದ ಕ್ಷಣಗಳನ್ನು ಹೇಳಿಕೊಂಡಿದ್ದಾರೆ.

ತಾವು ಅವಿತುಕೊಂಡ ಮರದ ಬಳಿಗೂ ಆ ಜೀವಿಗಳು ಸಮೀಪಿಸಿ ತಮ್ಮನ್ನು ಸುತ್ತುವರಿದುಕೊಂಡಿತು. ಆ ವೇಳೆ ಫೋಟೋ ತೆಗೆದ ರೀತಿ ಫ್ಲಾಷ್ ಆಗಿದೆ ಅಷ್ಟರಲ್ಲೇ ತಾವು ಭಯದಿಂದ ಚೀರಾಡಿದ್ದು ಸಮೀಪದಲ್ಲಿದ್ದ ನಮ್ಮಲ್ಲಿಗೆ ಬರುವಷ್ಟರಲ್ಲಿ ಆ ವಿಚಿತ್ರ ಆಕೃತಿಯ ಜೀವಿಗಳು ಮಾಯವಾಗಿವೆ ಎಂದು ಮಹಿಳೆಯರು ವಿವರಿಸಿದ್ದಾರೆ. ಈ ಮಹಿಳೆಯರ ಭಯಭೀತ ಹೇಳಿಕೆಗಳು ಇದೀಗ ವಾಟ್ಸ್ ಆಪ್ ಗಳಲ್ಲಿ ಹರಿದಾಡುತ್ತಿವೆ..

ಕೆಲ ತಿಂಗಳುಗಳ ಹಿಂದೆ ಬಿಹಾರ ಮತ್ತು ಆಂದ್ರಪ್ರದೇಶದಲ್ಲೂ ಅನ್ಯಗ್ರಹ ಜೀವಿ ಏಲಿಯನ್ಸ್ ಕಾಣಿಸಿಕೊಂಡಿದ್ದ ಬಗ್ಗೆ ಸುದ್ದಿಗಳು ಹರಿದಾಡಿವು. ಆದರೆ ವಿಜ್ಞಾನ ಲೋಕ ಮಾತ್ರ ಈ ಬಗ್ಗೆ ಯಾವುದೆ ಸ್ಪಷ್ಟನೆಯನ್ನು ನೀಡಲಿಲ್ಲ. ಇದೀಗ ಮೈಸೂರಿನಲ್ಲಿ ಅಂಥದ್ದೆ ಜೀವಿಗಳು ಕಾಣಿಸಿಕೊಂಡ ಸುದ್ದಿ ಆತಂಕ ಸೃಷ್ಟಿಸಿರುವುದಲ್ಲದೆ ವಿಜ್ಞಾನ ಕ್ಷೇತ್ರದಲ್ಲೂ ಕುತೂಹಲ ಕೆರಳಿಸಿದೆ