ಜೀವ ಬೆದರಿಕೆಗಳ ನಡುವೆ ಬದುಕುತ್ತಿದ್ದೇನೆ: ಸಲ್ಮಾನ್ ಖಾನ್

0
Salman-Khan

ಹೈದರಾಬಾದ್: ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್‌ನಿಂದ ನಿರಂತರ ಜೀವ ಬೆದರಿಕೆ ಎದುರಿಸುತ್ತಿರುವ ಬಾಲಿವುಡ್ ನಟ ಸಲ್ಮಾನ್ ಖಾನ್, ಬಿಗಿ ಭದ್ರತೆಯ ನಡುವೆಯೂ ಭಯದಲ್ಲೇ ಬದುಕುತ್ತಿರುವುದಾಗಿ ಹೇಳಿದ್ದಾರೆ.

ಮುಂಬರುವ ಯುದ್ಧ ಆಧಾರಿತ ಸಿನಿಮಾ ‘ಮಾತೃಭೂಮಿ’ ಪ್ರಚಾರಕ್ಕಾಗಿ ಹೈದರಾಬಾದ್‌ಗೆ ಭೇಟಿ ನೀಡಿದ್ದ ವೇಳೆ ಮಾತನಾಡಿದ ಅವರು, ಸರ್ಕಾರದ ಉನ್ನತ ಮಟ್ಟದ ಭದ್ರತೆ ಹಾಗೂ ಖಾಸಗಿ ಏಜೆನ್ಸಿಗಳ ರಕ್ಷಣೆ ಇದ್ದರೂ ಅನಾಹುತ ಸಂಭವಿಸಬಹುದೆಂಬ ಆತಂಕ ದೂರವಾಗಿಲ್ಲ ಎಂದು ತಿಳಿಸಿದರು.

ಭಾರೀ ಭದ್ರತೆಯ ನಡುವೆಯೂ ಪ್ರತಿಕ್ಷಣ ಭಯ ಕಾಡುತ್ತದೆ. ತಮ್ಮ ಪರಿಸ್ಥಿತಿಯನ್ನು ಗಡಿಯಲ್ಲಿ ಕರ್ತವ್ಯ ನಿರ್ವಹಿಸುವ ಯೋಧರ ಕುಟುಂಬಗಳ ಆತಂಕಕ್ಕೆ ಹೋಲಿಸಿದ ಅವರು, ಯೋಧರು ಗಡಿಯಲ್ಲಿರುವಾಗ ಅವರ ಪತ್ನಿಯರು, ಸಹೋದರರು ಹಾಗೂ ಹೆಣ್ಣುಮಕ್ಕಳು ಪ್ರತಿದಿನ ಭಯದಲ್ಲಿ ಬದುಕುತ್ತಾರೆ ಎಂದರು. ಯೋಧರ ಕುಟುಂಬಗಳ ನೋವು ಮತ್ತು ಆತಂಕವನ್ನು ಊಹಿಸಿಕೊಳ್ಳಲು ಮಾತ್ರ ಸಾಧ್ಯ ಎಂದು ಭಾವುಕರಾಗಿ ನುಡಿದರು.

Leave a Reply

Your email address will not be published. Required fields are marked *