ಬಾರ್ಗಿ ಕ್ರೂಸ್ ದುರಂತದಲ್ಲಿ 6 ಸಾವು; 9 ಮಂದಿಗಾಗಿ ಮುಂದುವರಿದ ಶೋಧ

ವಾಷಿಂಗ್ಟನ್: ಇರಾನ್ ತನ್ನ ಪರಮಾಣು ಕಾರ್ಯಕ್ರಮದ ಹಿನ್ನೆಲೆ ಹೆಚ್ಚುತ್ತಿರುವ ಉದ್ವಿಗ್ನತೆಯ ನಡುವೆಯೂ, ಅದು ಈಗ ಗಮನಾರ್ಹವಾಗಿ ದುರ್ಬಲಗೊಂಡಿದ್ದು ಮಾತುಕತೆಗೆ ಉತ್ಸುಕವಾಗಿದೆ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ (Donald Trump) ಹೇಳಿದ್ದಾರೆ.

“ಇರಾನ್ ಒಪ್ಪಂದ ಮಾಡಿಕೊಳ್ಳಲು ಸಾಯುತ್ತಿದೆ,” ಎಂದು ಟ್ರಂಪ್ ಹೇಳಿದ್ದಾರೆ. ಜೊತೆಗೆ, ಟೆಹ್ರಾನ್ ಯಾವತ್ತಿಗೂ ಪರಮಾಣು ಶಸ್ತ್ರಾಸ್ತ್ರ ಹೊಂದಲು ಅವಕಾಶ ನೀಡುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

PRESIDENT TRUMP: Iran has no navy, they have no air force, they have nothing.

We are decimating their country and yet the New York Times will tell you that they are winning the war. It’s ridiculous. pic.twitter.com/6dtimDQeF6

— Department of State (@StateDept) April 30, 2026

ಅಮೆರಿಕದ ಮಿಲಿಟರಿ ಕ್ರಮಗಳು ಇರಾನ್ ಸಾಮರ್ಥ್ಯವನ್ನು ಭಾರೀ ಮಟ್ಟದಲ್ಲಿ ಕುಗ್ಗಿಸಿವೆ ಎಂದು ಅವರು ತಿಳಿಸಿದ್ದಾರೆ. “ಅವರ ನೌಕಾಪಡೆ ಹೋಗಿದೆ, ವಾಯುಪಡೆ ದುರ್ಬಲವಾಗಿದೆ… ಡ್ರೋನ್ ಕಾರ್ಖಾನೆಗಳು ಸುಮಾರು 82% ಕುಸಿದಿವೆ,” ಎಂದು ಅವರು ಹೇಳಿದ್ದಾರೆ. ಕ್ಷಿಪಣಿ ಉತ್ಪಾದನೆ ಕೂಡ ತೀವ್ರ ಹಿನ್ನಡೆಯಾಗಿದೆ ಎಂದು ಅವರು ಹೇಳಿದ್ದು, “ಅವರ ಕ್ಷಿಪಣಿ ಕಾರ್ಖಾನೆಗಳು 90% ಮಟ್ಟಿಗೆ ಹಾನಿಗೊಳಗಾಗಿವೆ” ಎಂದು ವಿವರಿಸಿದ್ದಾರೆ.

ಅಮೆರಿಕದ ಕಾರ್ಯಾಚರಣೆಗಳನ್ನು ನಿರ್ಣಾಯಕವೆಂದು ಬಣ್ಣಿಸಿದ ಟ್ರಂಪ್, “ನಾವು ಅವರ ಪರಮಾಣು ಸಾಮರ್ಥ್ಯವನ್ನು ಅಳಿಸಿಹಾಕಿದ್ದೇವೆ” ಎಂದು ಹೇಳಿದ್ದಾರೆ. ಇರಾನ್ ಒಳರಾಜಕೀಯ ಪರಿಸ್ಥಿತಿಯಲ್ಲೂ ಅಸ್ಥಿರತೆ ಇದೆ ಎಂದು ಅವರು ಸೂಚಿಸಿದ್ದಾರೆ. “ಅಲ್ಲಿ ನಾಯಕತ್ವದ ಬಗ್ಗೆ ಸ್ಪಷ್ಟತೆ ಇಲ್ಲ,” ಎಂದು ಹೇಳಿದ್ದಾರೆ.