ಸಲ್ಮಾನ್ 50ನೇ ಹುಟ್ಟುಹಬ್ಬಕ್ಕೆ ಆತ್ಮಚರಿತ್ರೆ ಬಿಡುಗಡೆ

ಡಿಸೆಂಬರ್ 27ಕ್ಕೆ ಬಾಲಿವುಡ್ನ ನಟ ಸಲ್ಮಾನ್ ಖಾನ್ 50ನೇ ವರ್ಷಕ್ಕೆ ಕಾಲಿಡುತ್ತಿದ್ದಾರೆ. ಈ ಸಮಯದಲ್ಲೇ ಸಲ್ಮಾನ್ ಅವರ ಜೀವನದ ಕುರಿತ ಆತ್ಮಚರಿತ್ರೆಯೊಂದು ಬಿಡುಗಡೆಯಾಗುತ್ತಿದೆ.
ಬೀಯಿಂಗ್ ಹ್ಯೂಮನ್ ಸಲ್ಮಾನ್ ಎಂಬ ಹೆಸರಿನ ಆತ್ಮಚರಿತ್ರೆಯಲ್ಲಿ ಸಲ್ಮಾನ್ ಅವರ ವೈಯಕ್ತಿಕ ಹಾಗೂ ಸಿನಿಮಾ ಜೀವನದ ಬಗೆಗಿನ ಕುತೂಹಲಕಾರಿ ವಿಚಾರಗಳು ಇದರಲ್ಲಿ ಇರಲಿವೆ.

1988ರಲ್ಲಿ ಸಿನಿಮಾ ರಂಗಕ್ಕೆ ಕಾಲಿಟ್ಟಿದ್ದ ಸಲ್ಮಾನ್ ಖಾನ್ ಜೀವನದಲ್ಲಿ ಏನೆಲ್ಲಾ ಆಗಿದೆ ಎನ್ನುವುದು ಈ ಆತ್ಮಚರಿತೆಯಲ್ಲಿದೆಯಂತೆ.  ಮೈನೆ ಪ್ಯಾರ್ ಕಿಯಾ ಚಿತ್ರದಲ್ಲಿ ಯಶಸ್ಸು ಕಂಡಿದ್ದ ಸಲ್ಮಾನ್ ಇದಾದ ಬಳಿಕ ಹಮ್ ಆಪ್ ಹೇ ಕೌನ್, ಇತ್ತೀಚಿಗೆ ದಬಾಂಗ್, ಏಕ್ತಾ ಟೈಗರ್, ಕಿಕ್, ಭಜರಂಗಿ ಬಾಯಿಜಾನ್ ಚಿತ್ರದ ಮೂಲಕ ಭಾಕ್ಸ್ ಆಫೀಸ್ನಲ್ಲಿ ಸುಲ್ತಾನ್ ಎನಿಸಿಕೊಂಡಿದ್ದಾರೆ. ಆದರೆ ಸಲ್ಮಾನ್ ಖಾನ್ ವೈಯಕ್ತಿಕ ಜೀವನದಲ್ಲಿ ಮಾತ್ರ ಹಲವು ಎಡವಟ್ಟುಗಳನ್ನು ಮಾಡಿಕೊಂಡಿದ್ದಾರೆ.  ಹಿಟ್ ಆಂಡ್ ರನ್ ಕೇಸ್ ಸೇರಿದಂತೆ ಹಲವು ಕೇಸ್ಗಳು ಸಲ್ಮಾನ್ ಮೇಲಿವೆ. ಸದ್ಯ ಇವೆಲ್ಲ ಅಂಶಗಳು ಈ ಆತ್ಮಚರಿತೆಯಲ್ಲಿರಲಿವೆ ಎಂದು ಪಬ್ಲಿಷರ್ಗಳು ತಿಳಿಸಿದ್ದಾರೆ.