KSRTC ಅಧಿಕಾರಿ ಲತಾ ‘ವುಮೆನ್ ಅಚೀವರ್’
ಸರ್ಕಾರಿ ಸಂಸ್ಥೆ ಹಾಗೂ ಸಾರ್ವಜನಿಕರ ನಡುವೆ ಸಮನ್ವಯ ಸೇವೆ ಮಾಡುವ ಮೂಲಕ ಉತ್ತಮ ಅಧಿಕಾರಿಯೆಂಬ ಖ್ಯಾತಿಗೆ ಪಾತ್ರವಾಗಿರುವ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ ಸಾರ್ವಜನಿಕ ಸಂಪರ್ಕಾಧಿಕಾರಿ ಟಿ.ಎಸ್ ಲತಾ ಅವರಿಗೆ ಇದೀಗ ಮತ್ತೊಂದು ಪ್ರಶಸ್ತಿ ಸಿಕ್ಕಿದೆ.
ಕೆ.ಎಸ್ ಆರ್ ಟಿಸಿ ವಿಭಾಗಗದ ಸಾರ್ವಜನಿಕ ಸಂಪರ್ಕಾಧಿಕಾರಿ ಶ್ರೀಮತಿ ಲತಾ ಟಿ.ಎಸ್ ಅವರಿಗೆ 2016ನೇ ಸಾಲಿನ ವುಮೆನ್ ಅಚೀವರ್ಸ್ ಪ್ರಶಸ್ತಿ ಲಭಿಸಿದೆ.
ಈ ಬಾರಿಯ ವುಮೆನ್ ಅಚೀವರ್ಸ್ ಪ್ರಶಸ್ತಿಗೆ ಬಾಜನರಾದ ಕೆ.ಎಸ್ ಆರ್ ಟಿಸಿ ವಿಭಾಗಗದ ಸಾರ್ವಜನಿಕ ಸಂಪರ್ಕಾಧಿಕಾರಿ ಶ್ರೀಮತಿ ಲತಾ ಟಿ.ಎಸ್ ಅವರಿಗೆ ನೀಡಿ ಗೌರವಿಸಲಾಯಿತು. ಬೆಂಗಳೂರಿನ ಅಶೋಕ್ ಹೊಟೇಲ್ ನಲ್ಲಿ ನಡೆದ ವರ್ಣರಂಜಿತ ಸಮಾರಂಭದಲ್ಲಿ ಸಚಿವ ಆರ್. ವಿ ದೇಶಪಾಂಡೆ ಅವರು ಲತಾ ಅವರಿಗೆ ವುಮೆನ್ ಅಚೀವರ್ ಪ್ರಶಸ್ತಿ ನೀಡಿ ಗೌರವಿಸಿದರು.
ತಂತ್ರಜ್ಞಾನ, ಉದ್ಯಮ, ಸೇವಾಕ್ಷೇತ್ರಗಳಲ್ಲಿನ ಮಹಿಳೆಯರಿಗಾಗಿ ಸ್ಥಾಪಿತವಾಗಿರುವ eMERG ಸಂಸ್ಥೆಯಾಗಿದ್ದು, ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಮಟ್ಟದಲ್ಲೂ ತನ್ನ ಶಾಖೆಗಳನ್ನು ಹೊಂದಿದೆ. ಮಹಿಳೆಯರ ಸಾಧನೆಯನ್ನು ಗುರುತಿಸಿ ಗೌರವಿಸುವ ಹಾಗೂ ಮಹಿಳೆಯರ ಬೆಳವಣಿಗೆಗೆ ವೇದಿಕೆ ಕಲ್ಪಿಸುವುದೇ ಈ ಸಂಸ್ಥೆಯ ಉದ್ದೇಶವಾಗಿದೆ.
