ಕಳಸಾ ಬಂಡೂರಿ ; ಹೋರಾಟದಲ್ಲಿ ಚಿತ್ರ ನಟ ಶರಣ್ ಭಾಗಿ

ಕಳಸಾ ಬಂಡೂರಿ ಹೋರಾಟ ಮತ್ತಷ್ಟು ತೀವ್ರಗೊಳ್ಳುತ್ತಿದೆ. ಕಳೆದ ಹಲವು ದಿನಗಳಿಂದ ಕಳಸಾ ಬಂಡೂರಿ ನಾಲಾ ಜೋಡಣೆ ಹಾಗೂ ಮಹದಾಯಿ ನದಿ ಯೋಜನೆ ಅನುಷ್ಠಾನಕ್ಕೆ ಒತ್ತಾಯಿಸಿ ನವಲಗುಂದದಲ್ಲಿ ರೈತರು ನಡೆಸುತ್ತಿರುವ ಹೋರಾಟ ನೂರು ದಿನಗಳನ್ನು ಪೂರೈಸಿದೆ.

ಈ ಹೋರಾಟದಲ್ಲಿ ಚಿತ್ರ ನಟ ಶರಣ್ ಭಾಗಿಯಾದರು. ನರಗುಂದದಲ್ಲಿ ನಡೆಯುತ್ತಿರುವ ಉಪವಾಸ ಸತ್ಯಾಗ್ರಹದಲ್ಲಿ ನಟ ಶರಣ್ ಭಾಗವಹಿಸಿದರು. ಉತ್ತರ ಕರ್ನಾಟಕದ ಭಾಗದ ಜನರ ಸಮಸ್ಯೆ  ಬಗೆಹರಿಸಕೊಳ್ಳಲು ಜನ ಹೋರಾಟ ಮಾಡಿಯೇ ಪಡೆದುಕೊಳ್ಳಬೇಕಾಗಿದೆ. ಅದಕ್ಕೆ ಈಗ ರೈತರು ನಾಲ್ಕು ದಶಕಗಳಿಂದ ನಡೆಸುತ್ತಿರುವ ಕಳಸಾ ಬಂಡೂರಿ ಚಳವಳಿಯೇ ಸಾಕ್ಷಿ ನಟ ಶರಣ್ ಹೇಳಿದರು.

ಜನರಿಗೆ ಕುಡಿಯುವ ನೀರು ಪಡೆಯಲು ಹೋರಾಟ ಮಾಡಬೇಕಾಗಿರುವುದು ಈ ಭಾಗದ ಜನರ ದುರಂತ ಎಂದ ಶರಣ್, ನಾವೇನು, ಹಣ, ಭೂಮಿ, ಮನೆ ಕೇಳುತ್ತಿಲ್ಲಾ. ಕುಡಿಯುವುದಕ್ಕೆ ನೀರು ಕೇಳುತ್ತಿದ್ದೇವೆ. ಕಳಸಾ-ಬಂಡೂರಿ ಹೋರಾಟ ನೂರು ದಿನ ಪೂರೈಸಿದರು ರಾಜಕಾರಣಿಗಳಿಗೆ ಸಮಸ್ಯೆ ಬಗೆಹರಿಸುವ ಮನಸ್ಸು ಬರುತ್ತಿಲ್ಲ. ಅದ್ದರಿಂದ ಇದರ ಬಗ್ಗೆ ಅರಿವು ಮೂಡಿಸುವ ಕೆಲಸ ಆಗಬೇಕಾಗಿದೆ ಎಂದರು.