ಯುವ ಬರಹಗಾರನ ಮೇಲೆ ಕಿಡಿಗೇಡಿಗಳ ಹಲ್ಲೆ
ಯುವ ಬರಹಗಾರನ ಮೇಲೆ ಕಿಡಿಗೇಡಿಗಳು ಹಲ್ಲೆ ನಡೆಸಿದ ಘಟನೆ ದಾವಣಗೆರೆಯಲ್ಲಿ ಗುರುವಾರ ನಡೆದಿದೆ. ಉಚ್ಚಂಗಿ ಪ್ರಸಾದ್ ಹಲ್ಲೆಗೊಳಗಾದ ಬರಹಗಾರ.
ಉಚ್ಚಂಗಿ ಪ್ರಸಾದ್, ದಾವಣಗೆರೆ ವಿವಿಯಲ್ಲಿ 2ನೇ ವರ್ಷದ ಪತ್ರಿಕೋದ್ಯಮ ಓದುತ್ತಿದ್ದಾರೆ. ಇತ್ತೀಚೆಗೆ ದಲಿತರ ಶೋಷಣೆ ಬಗ್ಗೆ ಒಡಲ ಕಿಚ್ಚು ಎಂಬ ಪುಸ್ತಕ ಬರೆದಿದ್ದರು. ಇದರಲ್ಲಿ ದಲಿತರ ಶೋಷಣೆ ಬಗ್ಗೆ ಪ್ರಸ್ತಾಪ ಮಾಡಿದ್ದರು. ಅಲ್ಲದೇ ಬರಹಗಾರ ಕೆ.ಎಸ್. ಭಗವಾನ್ ಅವರಿಂದ ಬಿಡುಗಡೆ ಮಾಡಿದ್ದ ಈ ಪುಸ್ತಕದಲ್ಲಿ ಹಿಂದೂಗಳ ಬಗ್ಗೆ ಅವಹೇಳನಕಾರಿ ಬರಹ ಇದೆ ಎಂದು ಆರೋಪ ಮಾಡಲಾಗಿತ್ತು. ಈ ಕಾರಣದಿಂದ ಉಚ್ಚಂಗಿ ಪ್ರಸಾದ್ ಮೇಲೆ ಕಿಡಿಗೇಡಿಗಳು ಹಲ್ಲೆ ನಡೆಸಿದ್ದಾರೆ.
ನನಗೆ ಸೂಕ್ತ ನ್ಯಾಯಬೇಕು, ಹಲ್ಲೆ ನಡೆಸಿದವರ ಮೇಲೆ ಕ್ರಮ ಕೈಗೊಳ್ಳಬೇಕೆಂದು ಉಚ್ಚಂಗಿ ಪ್ರಸಾದ್ ಒತ್ತಾಯಿಸಿದ್ದಾರೆ.
