‘ಬಾಹುಬಲಿ – ದಿ ಎಪಿಕ್’ ಅಕ್ಟೋಬರ್ 31 ರಂದು ಬಿಡುಗಡೆ
ಚೆನ್ನೈ: ಭಾರತದ ಅತ್ಯಂತ ಅದ್ಭುತವಾದ ಬ್ಲಾಕ್ಬಸ್ಟರ್ಗಳಲ್ಲಿ ಒಂದಾದ ‘ಬಾಹುಬಲಿ ದಿ ಬಿಗಿನಿಂಗ್’ ಗುರುವಾರ 10 ಅದ್ಭುತ ವರ್ಷಗಳನ್ನು ಪೂರೈಸಿದ್ದರೂ, ಫ್ರಾಂಚೈಸಿಯ ನಿರ್ದೇಶಕ ಎಸ್ ಎಸ್ ರಾಜಮೌಳಿ, ಈ ವರ್ಷ ಅಕ್ಟೋಬರ್ 31 ರಂದು ಎರಡು ಭಾಗಗಳ ಸಂಯೋಜಿತ ಚಿತ್ರ ‘ಬಾಹುಬಲಿ – ದಿ ಎಪಿಕ್’ ಅನ್ನು ಬಿಡುಗಡೆ ಮಾಡುವ ಮೂಲಕ ಈ ಮೈಲಿಗಲ್ಲನ್ನು ಗುರುತಿಸುವುದಾಗಿ ಘೋಷಿಸಿದ್ದಾರೆ.
‘ಬಾಹುಬಲಿ. ಅನೇಕ ಪ್ರಯಾಣಗಳ ಆರಂಭ. ಲೆಕ್ಕವಿಲ್ಲದಷ್ಟು ನೆನಪುಗಳು. ಅಂತ್ಯವಿಲ್ಲದ ಸ್ಫೂರ್ತಿ. ಇದು 10 ವರ್ಷಗಳಾಗಿವೆ. ಎರಡು ಭಾಗಗಳ ಸಂಯೋಜಿತ ಚಿತ್ರ ಬಾಹುಬಲಿ ದಿ ಎಪಿಕ್ನೊಂದಿಗೆ ಈ ವಿಶೇಷ ಮೈಲಿಗಲ್ಲನ್ನು ಗುರುತಿಸುತ್ತಿದೆ ಎಂದವರು ಇನ್ಸ್ಟಾಗ್ರಾಮ್ ನಲ್ಲಿ ಹೇಳಿಕೊಂಡಿದ್ದಾರೆ.
ಎಸ್ ಎಸ್ ರಾಜಮೌಳಿ ನಿರ್ದೇಶನದ ಎರಡು ಭಾಗಗಳ ಫ್ರಾಂಚೈಸಿಯ ಮೊದಲ ಚಿತ್ರ ಬಾಹುಬಲಿ: ದಿ ಬಿಗಿನಿಂಗ್, ನಟರಾದ ಪ್ರಭಾಸ್, ರಾಣಾ ದಗ್ಗುಬಟ್ಟಿ, ಅನುಷ್ಕಾ ಶೆಟ್ಟಿ ಮತ್ತು ತಮನ್ನಾ ಪ್ರಮುಖ ಪಾತ್ರದಲ್ಲಿ ಜುಲೈ 10, 2015 ರಂದು ಬಿಡುಗಡೆಯಾಗಿತ್ತು. ಈ ಚಿತ್ರವು ಬಾಕ್ಸ್ ಆಫೀಸ್ ದಾಖಲೆಗಳನ್ನು ಮುರಿದು ದೊಡ್ಡ ಬ್ಲಾಕ್ಬಸ್ಟರ್ ಆಗಿ ಹೊರಹೊಮ್ಮಿತು.
ಅತ್ಯಂತ ಜನಪ್ರಿಯ ಬಾಹುಬಲಿ ಫ್ರಾಂಚೈಸ್ನ ಎರಡನೇ ಕಂತಾದ ‘ಬಾಹುಬಲಿ 2’ ಚಿತ್ರವೂ 2017ರಲ್ಲಿ ವಿಶ್ವದಾದ್ಯಂತ 9,000ಕ್ಕೂ ಹೆಚ್ಚು ಪರದೆಗಳಲ್ಲಿ ಬಿಡುಗಡೆಯಾಜಿ ದಾಖಲೆ ಬರೆದಿತ್ತು.
250 ಕೋಟಿ ರೂ.ಗಳ ಅದ್ದೂರಿ ಬಜೆಟ್ನಲ್ಲಿ ನಿರ್ಮಿಸಲಾದ ಈ ಚಿತ್ರವು ವಿಶ್ವಾದ್ಯಂತ 1800 ಕೋಟಿ ರೂ.ಗಳಿಗೂ ಹೆಚ್ಚು ಗಳಿಸಿತು. ಇದು ಈವರೆಗಿನ ಅತಿ ಹೆಚ್ಚು ಗಳಿಕೆ ಮಾಡಿದ ಭಾರತೀಯ ಚಿತ್ರವಾಯಿತು. ಇದು 1000 ಕೋಟಿ ರೂ.ಗಳ ಕಲೆಕ್ಷನ್ ಗಡಿ ದಾಟಿದ ಮೊದಲ ಭಾರತೀಯ ಚಿತ್ರ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದೆ. 2025ರ ಹೊತ್ತಿಗೆ, ‘ಬಾಹುಬಲಿ 2’ ಭಾರತದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರವಾಗಿ ಉಳಿದಿದೆ. ಇದೀಗ ‘ಬಾಹುಬಲಿ – ದಿ ಎಪಿಕ್’ ಎಲ್ಲರ ಕುತೂಹಲದ ಕೇಂದ್ರಬಿಂದುವಾಗಿದೆ.
