ಪುಣೆ ಸೇತುವೆ ದುರಂತ: ನಾಲ್ವರ ಸಾವು, 51 ಮಂದಿಗೆ ಗಾಯ; 5 ಲಕ್ಷ ಪರಿಹಾರ
ಪುಣೆ: ಪುಣೆಯಲ್ಲಿ ಇಂದ್ರಾಯಣಿ ನದಿಯ ಮೇಲೆ ನಿರ್ಮಿತವಾಗಿದ್ದ ಹಳೆ ಕಬ್ಬಿಣದ ಸೇತುವೆ ಕುಸಿತದ ದುರ್ಘಟನೆಯಲ್ಲಿ ನಾಲ್ವರು ಮೃತಪಟ್ಟು, 51 ಮಂದಿ ಗಾಯಗೊಂಡಿದ್ದಾರೆ. ಈ ಕುರಿತು ಜಿಲ್ಲೆಯ ಮಾವಲ್ ತಹಶೀಲ್ದಾರ ಕಚೇರಿ ಪ್ರಾಥಮಿಕ ವರದಿಯನ್ನು ಮಹಾರಾಷ್ಟ್ರ ಸರ್ಕಾರಕ್ಕೆ ಸಲ್ಲಿಸಿದೆ.
ಘಟನೆ ಭಾನುವಾರ ಮಧ್ಯಾಹ್ನ 3.30ರ ಸುಮಾರಿಗೆ ಕುಂದಮಾಲಾ ಗ್ರಾಮದಲ್ಲಿ ಸಂಭವಿಸಿದ್ದು, ಆಗ ಅಲ್ಲಿಗೆ ಮಳೆಯ ಆನಂದಕ್ಕಾಗಿ ಸುಮಾರು 125 ಮಂದಿ ಪ್ರವಾಸಿಗರು ಬಂದಿದ್ದರು. ಸೇತುವೆ 33 ವರ್ಷ ಹಳೆಯದಾಗಿದ್ದು, ನೆರೆಹೊಳಪಿನ ಹಳ್ಳಿಗಳ ಸಂಪರ್ಕಕ್ಕೆ ನಿರ್ಮಿಸಲಾಗಿತ್ತು.
ರಕ್ಷಣಾ ಕಾರ್ಯದಲ್ಲಿ ತೊಡಗಿರುವ ಅಧಿಕಾರಿಗಳು ಒಟ್ಟು 55 ಮಂದಿಯನ್ನು ರಕ್ಷಿಸಿದ್ದು, ಅವರಲ್ಲಿ ನಾಲ್ವರು ಮೃತಪಟ್ಟಿದ್ದಾರೆ. ಮೃತರಲ್ಲಿ ಚಂದ್ರಕಾಂತ್ ಸಾಥಲೆ, ರೋಹಿತ್ ಮಾನೆ, ವಿಹಾನ್ ಮಾನೆ ಎಂಬವರನ್ನು ಗುರುತಿಸಲಾಗಿದೆ. ಒಬ್ಬರ ಗುರುತು ಇನ್ನೂ ಪತ್ತೆಯಾಗಿಲ್ಲ. ಗಾಯಾಳುಗಳನ್ನು ಪಿಂಪ್ರಿ-ಚಿಂಚ್ವಾಡ್ ಹಾಗೂ ತಲೆಗಾಂವ್ ಜನರಲ್ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.
ನಿರಂತರ ಮಳೆ ಪರಿಣಾಮವಾಗಿ ರಕ್ಷಣಾ ಕಾರ್ಯದಲ್ಲಿ ಅಡಚಣೆ ಉಂಟಾದರೂ ಸೋಮವಾರ ಬೆಳಗ್ಗೆ ಮುಂದುವರೆಸಲಾಗಿದೆ. ಸ್ಥಳಕ್ಕೆ ಭೇಟಿ ನೀಡಿದ ರಾಜ್ಯ ವಿಪತ್ತು ನಿರ್ವಹಣಾ ಸಚಿವ ಗಿರೀಶ್ ಮಹಾಜನ್ ಅವರು ಪರಿಹಾರ ಕಾರ್ಯವನ್ನು ಮೇಲ್ವಿಚಾರಣೆ ನಡೆಸಿದರು. ಎನ್ಡಿಆರ್ಎಫ್ ತಂಡಗಳು, ಸ್ಥಳೀಯ ಪೊಲೀಸರು, ಸಿಆರ್ಪಿಎಫ್ ಮತ್ತು ಸೇವಾ ಸಂಸ್ಥೆಗಳ ಸಹಾಯದಿಂದ ಕಾರ್ಯಾಚರಣೆ ನಡೆದಿದ್ದು, ಗಾಯಾಳುಗಳ ಆರೋಗ್ಯ ವಿಚಾರಿಸಲು ಸಚಿವರು ಆಸ್ಪತ್ರೆಗೆ ಭೇಟಿ ನೀಡಿದರು.
ಪರಿಹಾರ ಘೋಷಣೆ:
ಮೃತರ ಕುಟುಂಬದವರಿಗೆ ತಲಾ ₹5 ಲಕ್ಷ ಪರಿಹಾರ ಮತ್ತು ಗಾಯಾಳುಗಳ ಚಿಕಿತ್ಸೆ ಸಂಪೂರ್ಣವಾಗಿ ಸರ್ಕಾರವೇ ಭರಿಸುವುದಾಗಿ ಸಚಿವ ಮಹಾಜನ್ ಪ್ರಕಟಿಸಿದರು.
ಎಚ್ಚರಿಕೆ ಹಿತವಚನ:
“ಪ್ರವಾಸಿಗರು ಪ್ರವಾಸ ಸ್ಥಳಗಳಿಗೆ ಭೇಟಿ ನೀಡುವಾಗ ಸುರಕ್ಷತಾ ಕ್ರಮ ಪಾಲಿಸಬೇಕು. ಸಾಹಸ ಪ್ರವೃತ್ತಿ ಅಥವಾ ಅಸಭ್ಯ ವರ್ತನೆ ತಪ್ಪಬೇಕೆಂಬುದು ನಮ್ಮ ಮನವಿ” ಎಂದು ಅವರು ತಿಳಿಸಿದ್ದಾರೆ.
ಜಿಲ್ಲಾಡಳಿತದ ಪ್ರಕಾರ ಸೇತುವೆಯ ನಿರ್ಮಾಣ ಕಾರ್ಯ 1990ರಲ್ಲಿ ಆರಂಭವಾಗಿ 1993ರಲ್ಲಿ ಮುಕ್ತಗೊಳಿಸಲಾಗಿತ್ತು. ಸೇತುವೆ ಹಳೆಯದಾದ ಕಾರಣದಿಂದಾಗಿ ಬಳಸಬಾರದೆಂದು ನಿಷೇಧ ಫಲಕಗಳು ಇಬ್ಬುಡಗಡಿಗಳಲ್ಲಿಯೂ ಸ್ಥಾಪಿಸಲಾಗಿದ್ದರೂ, ಪ್ರವಾಸಿಗರು ಗಮನ ಹರಿಸದೆ ಸೇತುವೆ ಮೇಲೆ ತೆರಳಿದ್ದರೇ ದುರಂತಕ್ಕೆ ಕಾರಣವೆಂದು ಅಧಿಕಾರಿಗಳು ತಿಳಿಸಿದ್ದಾರೆ.
